COLEGIO ASKARTZA CLARET

Si quieres visitar este blog en castellano entra aquí

Advertisements

LMH 3.E ASTEARTEA

Kaixo familia:

Goizean goizetik gaude esna. Ez dugu lo askorik egin, baina gelakideok elkarrekin esnatzea polita eta dibertigarria  izan da!

Horren ostean, Mari taldekoek prestatu duten mahaian gosaldu dugu denok batera. Gero, mendiko botak jantzi eta Baltzolako kobazuloetara joateko prestatu gara. Bidea oso luzea izan da eta Eguzkiak gogor jotzen zuen. Hala ere, kantinplorako urari esker… ondo iritsi gara!

Bertan, kobazuloak ikusi ditugu. Bueltan kontatuko dizkizuegu Sugar eta Jentilei buruzko kondairak! Gainera, badakizue zer aurkitu dugun bidean? Hortz bat, ehunzangoa, hilda zegoen suge bat…

Bueltan neke-neke eginda iritsi gara, ziur gaude oso ondo egingo dugula lo!

Orain urduri gaude, afaldu ostean diskoteka izango dugu eta. Dantza egiteko eta egonaldiari agur esateko prest gaude!

Zuekin egoteko gogotsu gaude, baina bihar arte itxaron beharko duzue!

Musu asko!!!!

LMH 3.E ASTELEHENA

Kaixo familia:

Iritsi gara Dimara eta ezagutu ditugu inguruak!

Ibilalditxo bat egin dugu eta neke-neke eginda iritsi gara, bero handia egiten du eta. Baina ez kezkatu, eman diguten bazkariarekin indarrak berreskuratu ditugu! Gainera, Basajaun taldekoek primeran prestatu eta garbitu dituzte mahaiak.

Hortzak garbitu ostean, gure logela berria prestatu dugu. Baditugu prest lozakuak!

Gero, jolasten ibili gara. Bakearekin asko jolastu dugu, oso asto formala eta jatorra da!

Mari taldea ortuan ibili da eta bertako landareak ureztatu dituzte: piperrak, tomateak, kuia eta pepinoak. Horrez gain, urazak landatu dituzte eta tomateei sokak jarri dizkiete tente egon daitezen. Lore koloretsu batzuk ere bazeuden eta horiek ere ureztatu dituzte!

Orain askaltzera goaz, eta agur esateko momentua iritsi da.

Oso ondo gabiltza eta laster gaude bueltan!

Asteazkenera arte!

Besarkada handi bat!!!!!!!

LMH 3 Ostirala

Egun on, familia!!!!!

Gu  sugar  taldekoak  gara (Josu ,Liher, Alex, Eider ,Jone eta Nikole) eta  kontatuko  dizuegu  zer  egin  genuen  atzo  diskotekan. Musika  entzun  eta dantzatu  genuen. Primeran pasatu genuen eta dantzekin  barre egin genuen. Dantzak egin eta gero,  ohera sartu eta lo geratu ginen. Atzo ez genuen barre egiteko gogorik izan, leher eginda geundelako.

Gaur, goizeko zortzietan esnatu gara. Arropa jantzi dugu eta mahaia prestatu dugu gosaltzeko. Gosaldu eta gero, mahaia batu dugu eta jantokia garbitu dugu. Ondoren, maletak prestatu ditugu eta sarreran utzi ditugu. Jarraian, oheetako maindireak kendu eta maleta handi batean sartu ditugu. Orain,talde bakoitza ekintza bat egiten ari da. Adibidez: piperrak landatu, animaliei janaria eman, bloga idatzi …Ez dugu etxera joan nahi, baina bazkaldu eta gero, bagoaz.

Gero arte!!!!!!!!

Tartalo taldea: June, Asier, Nora, Irati, Elisa, Daniel eta Alai.

LMH 3.F OSTEGUNA

Arratsalde on, familia!!!!!!!!!

Zelan zaudete? Gu primeran pasatzen gabiltza. Orain Diman egin ditugun gauzak kontatuko dizkizuegu.

Dimara heldu ginenean, maletak motxileroan utzi genituen eta ostean, eskulan bat egin genuen. Ez dizuegu esango zein den, ostiralean ikusiko duzue. Eskulana egin eta gero, afaldu genuen eta Ipurtargi jolasera jolastu genuen. Oso dibertigarria izan zen, ilunetan egin genuelako jolasa. Ohera joateko ordua iritsi zen eta…………..asko kostatu zitzaigun loak hartzea. Berba eta berba ibili ginen, barreak egin genituen…

Gaur, mendira joan gara eta leher eginda gaude, 14km ibili ditugulako. Mendira joan eta gero, dutxa hartu dugu eta ura oso hotza edo oso beroa zegoen. Ondoren, askaria hartu dugu eta Bakea (astoa) ikusi dugu.Badakizue? Gure bananak jan ditu. Orain bloga idazten gaude . Beste taldeak animaliekin, landareak landatzen eta ureztatzen, oiloen arrautzak batzen, dortoka ikusten… Hau bukatu eta gero, afaldu eta diskoteka edukiko dugu.

Ondo pasa eta musu handi bat!!!!!!!!!!!!!!!!!!!!!

Ander, Izaro, Sara, Nicolas,Patrik, Katalin  eta  Markel (Mari taldea).

Elaia, Jon, Aimar, Uxue, Aritz, Mikel eta Naroa (Basajaun taldea).

LMH3B Ostirala

Kaixo gu tartalo taldekoak gara.Diskotekan egin duguna kontatuko dizuegu.

Dantza egin eta linbora jolastu genuen. Abesti asko dantzatu genituen ,abestu genuen … eta primerakoa izan zen.

Musu handi bat gure partez, Jon,Damian,Ander B,Aingeru,Uxue.M.,Aiala,Hodei eta Ivan.

 

Kaixo gu Sugar taldekoak gara , eta ostirala denez ,maletak prestatu ditugu ,ohetik sakuak kendu ditugu , burkoaren  izara kendu…

Orain baserriko  lanak egiten ari gara, gu ortuan egon gara eta belartxarrak kendu ditugu oiloei emateko. Beste batzuk animaliei jaten eman diete eta gure belartxarrak ere jan dute.

Orain blog hau idazten gaude. Agur bero bat!!

Amets,Mikel,Xavier,Guillemo,Jara, June G. eta Ibone

LMH3B Osteguna

Kaixo  familia :

Gaur  zortzietan  esnatu gara eta gosaldu dugu.Gero mendira joan gara eta Baltzolako  kobak ikusi ditugu.Ura  eta lokatza zegoen eta jende asko jausi da. Mendian gauza asko ikusi ditugu: barea, txakurrak, zaldiak, ardiak… Mendian bazkaldu  dugu eta denbora librean jolasten ibili gara.

Bazkaldu eta gero etxera bueltatu gara. Gero dutxa hartu dugu eta denbora librea euki dugu.Ondoren askaria hartu dugu:fruta,gazta, actimela eta bollitoa. Ardia egiten bukatu dugu eta orain afalduko dugu.

LMH 3.A ASTEARTEA

Gaur, Diman txango bat egin dogu mendian. Oso ondo pasatu dogu !!!

Gentilen zubia ikusi dogu.Oso polita izan da!!

Baltzolako kobazulora joan gara.

2 Historia esan deuzkuez.

Bare  asko ikusi doguz.

Kobazulotik atera garenean desio bat eskatu dogu.

Ostean ,Baltzolako elizara joan gara,bazkaltzera.

Bazkaltzeko,bokata eta txokolatea jan dogu .

Bidean aldapan bera joan gara.

Heldu garenean dutxa bat hartu dogu.

Gero baserriko lanak egin doguz.

Askaria hartu dogu.

Ostean, eskulanak amaitu doguz.

Egileak izenak:

Pau,Unax,Aritz,Maider,Haizea A,Haizea L,Maialen C,Ales,Amets,Liher,Martin,Ander,Ibon,Danel